玉峽生輝一哩掂

不死鸟

今次賽事騎師王開始改條例，凡臨場有騎師退出的話，轉投其餘騎師上陣勝出或入位均唔計分，改例後洛維都認為對投注人唔公平，好簡單舉例，就正如上次田草日賽，蔡明紹中三元贏取騎師王，假如蔡明紹頭場不幸墮馬受傷要退出餘下賽事不策騎，那麼投注在蔡明紹騎師王的注碼即時化為烏有，咁樣?條例，對投注人幾咁唔公平呢！
雖要知道，投注騎師王係要到最後尾場賽事完結方知結果，除非有某騎師一早贏?分數令到第二位?騎師無得追，才會派彩給投注買中騎師王的人仕，條例唔公平，賠率彩金又乏味，又要等到最後一場先有派彩，騎師王彩池，至今洛維一次都無投注過，因為感覺衰過買隻位置馬，各位馬友未知有否同感。
第七場一班1650米。告東尼馬房的「好開心」如非受腳患影響，以其質素及實力強，相信成就不止於此，還好告仔有辦法，將此匹體弱腳患馬撚好，睇回近次可連番上陣，就知其健康已無礙，質高勇馬今戰贏馬機會高，值得一捧。
「好開心」近三次出戰谷草得一亞一季成績，表現有所交代，主因馬匹久休達九個月才上陣，態況未十足有此表現可收貨，而牠上場增程跑2200米，排不利十一檔，早段搶放耗力過多，引致末段無以為繼，落敗亦屬合理，呢仗當一次大閘亦無妨，而牠能在十八日後再復出上陣，埋門又能受得快跳打磨，足證其腳患已全面康復，今次縮程跑回1650米，又排得六檔好位，馬有前速，大有機會一早放出貼欄下，一放迄終贏馬掄元。
第九場三班1650米。「玉峽生輝」連仗谷草1200米後上入位，陣中睇到馬匹落腳已轉慢，性能已轉變，現時宜長不宜短，以今次練者安排牠增程跑1650米合理之至，此駒經過連場戰下，勇態已攀升，今次用杜利萊操刀可謂找�袢诉x，因此駒要留後而上威力強，�裆苟爬�萊騎法，質態俱備佳駟，試準而來力足贏馬而回。

洛維