漢堡食得咪嘥 慕遜加柏主強客弱好易捉

猪拉多纳

U17世少盃賽事正於阿聯酋舉行，早前東道主教頭爆出「超齡說」，直指有七成參賽球員係超齡，講到國際足協完全冇監管，引起球圈及菠菜界人士關注。查實世少盃不嬲都係問題多多，超齡唔算係新聞，最大鑊係曾經畀人操控賽果，嚴重影響賽事形象。
莊家唔敢亂開世少盃

唔少業界人士都知世少盃好易成為不法分子搵食目標，皆因球員年紀細，唔懂事，基本上乜都係大人話晒事，咁樣真係好唔健康。呢個賽事話就話係國際大賽，但唔少行家都唔多重視，就算開盤單場投X額都唔會太高，評級只被視作三、四線賽事，甚至有部分莊家選擇唔開盤，費事惹麻煩。

今次肥叔揀咗場德甲波做重心，漢堡主場對慕遜加柏，捧主隊！慕遜加柏現時位居前列，但佢哋有條明顯攤路，就係主場就識贏、客場唔識贏，呢類主強客弱極之分明嘅球隊係唔少大戶至愛，貪佢哋水準同成績都夠穩定。漢堡近期顯著回勇，對住客場蟲慕遜加柏小讓平半，盤口相當合理，上盤博得過！

（周六晚10時30分開賽）