英超史上首場威爾斯打吡

猪拉多纳

卡迪夫城頂得住「天鵝」

近年威爾斯球會勢力逐步入侵英超，繼兩年前史雲斯成為英超史上首支威爾斯球隊後，「火龍」卡迪夫城今季亦跟隨「天鵝」嘅步伐參戰英超，造就今日凌晨上演嘅卡迪夫城主場對史雲斯成為英超史上首場威爾斯打吡，矚目戰程度不下於其他同市打吡，為爭取呢次意義重大嘅勝利，兩軍實會搏盡。

（now 621 周一凌晨零時直播）
「噴火龍」主場夠惡

雖然史雲斯今仗有中場主力舒維爾傷愈復出，加上整體實力較主隊高，論牌面可以秤先多少。不過，卡迪夫城主場嘅惡氣十足，連今季攻力不俗嘅愛華頓都入唔到波，而最威水就係喺主場砌贏擁有金鑽陣容嘅曼城，所以真係唔可以睇小呢條噴火龍，隨時噴到「天鵝」變「燒鵝」，今仗一於捧讓球主勝。