羅馬尼亞讓唔起希臘

猪拉多纳

希臘射手美度古今季瘋狂爆發，首回合對住羅馬尼亞轟入兩粒，協助球隊贏3比1。希臘次回合造訪羅馬尼亞，美度古佳態洋溢，續成對手心腹大患，可助球隊保持不敗，受讓博「讓球客勝」！

美度古（Mitroglou）有個花名叫Mitrogoal，希臘粉絲以此頌讚呢位射手士哥能力超強，喺打新季大熟大勇，希超11戰幫奧林比亞高斯轟入14球，其中3場「戴帽」，佢仲喺歐聯作客安德列治連中3元，短短3個月內4度連中三元，認真堅過石堅！
美度古入球停不了

美度古喺國家隊一樣有料到，上場對羅馬尼亞又入兩粒，佢同拍檔沙賓基迪斯於外圍賽同樣累積4個士哥，呢對高效攻擊組合確係對手後防嘅噩夢。

羅馬尼亞中場拉沙亞於希臘球隊PAOK搵食，呢個「臥底」完全幫唔到手，上仗後備落場仲領紅，今戰要坐波監。羅馬尼亞門神彭迪利蒙近期獲得曼城重用，但返到國家隊繼續坐冷板，大軍防線不穩，焗攻隨時輸反擊，讓波信唔過！

（周三凌晨3時開賽）