蘇斯達搵貝迪斯開刀

猪拉多纳

歐聯玩完回師西甲追數

今日揀波其實好簡單，搵番啲歐聯球隊嚟買就掂，呢啲球隊博完歐聯，依家又係返聯賽搶分時候，睇中三支賽程有着數嘅球隊，西甲皇家蘇斯達同馬德里體育會，以及葡超嘅賓菲加，三串一近5倍夠今日食過靚Tea。

先講皇家蘇斯達，雖然歐聯成績唔好，但難得今仗對手係包尾嘅貝迪斯，貝迪斯作客只得一和六負，對住皇家蘇斯達好難偷雞，皇蘇西甲主場三連勝，如果遇着病貓都唔贏，點同江東父老交代。

（周一凌晨零時開賽）

跟住講吓賓菲加，呢支葡超傳統勁旅依家排第三，同波圖同分，落後榜首士砵亭兩分，所以一分都不能少。佢哋周中歐聯擊敗巴黎聖日耳門都出唔到線，球員谷埋一肚火，一定搵奧漢倫斯出氣，讓球客勝要揀。

（有線155台周一凌晨2時15分直播）
馬體會着晒火炒起華倫

最後就梗係要揀埋馬德里體育會啦，呢支被歐洲足協選為分組賽表現最佳嘅球隊，依家成隊火噴噴，射手迪亞高哥斯達長期態勇，恃住主場十連勝氣勢，視華倫西亞於無物，喪攻之下要讓球主勝。

（now 632周一凌晨4時直播）