卡城主場硬淨唔怕聖人

猪拉多纳

肥叔喺度祝大家聖誕快樂，希望各位於快車期齊齊搵多啲！今季英超競爭空前激烈，現時起碼有六、七隊有得爭標，非常精彩，呢段時間係列強搶分關鍵時刻，之前大落後嘅曼聯都要搏命收復失地，值得留意。

講番今日重心推介，卡迪夫城主場對修咸頓，一於捧主隊！修咸頓開季頭威頭勢，連場打出代表作，不過隨住近期出現傷兵潮，班波踢落明顯走樣，呢類中型班始終人手唔多，一旦唔齊腳就好難保持水準，去到快車期更惡搞。卡迪夫城主場好硬淨，對住曼市雙雄都唔使輸，點會怕「聖人」啦，受讓必捧下盤！

（now 635周四晚11時直播）
賓福特搶Ｗ爭升班

同日英甲賽事賓福特主場對史雲頓，肥叔今季一直睇實賓福特，呢班波幕後確有心爭升班，佢哋無論人腳同組織都有條件，家陣最大本錢就係主場夠惡，大軍近期連場於自己地頭贏波，今場只要發揮正常，相信可以順利搶Ｗ，捧上盤！

（周四晚8時30分開賽）