維拉散晒 難頂史雲斯

猪拉多纳

英超中游球隊阿士東維拉暫列13，但僅領先尾三富咸3分，今輪會於主場迎戰史雲斯。維拉正值四連敗，仲有王牌射手賓迪基及防線重心華亞爾休戰，快車期殘陣出戰好惡頂，加上佢哋現時係英超主場成績最曳球隊，平手盤捧對家史雲斯！

(now 623周六晚11時直播)
賓迪基陷入球荒

全世界都知阿士東維拉食粥食飯都靠晒比利時射手賓迪基，但呢位巴打今季演出走樣出現入球荒，上次士哥已經係九月中，近期仲受膝部傷患困擾。維拉今季聯賽主場9戰2勝，加埋入得六粒，主場火力係全英超最弱，後備中鋒高薩克又未入局，前線死晒火，點贏啊！

史雲斯亦有王牌射手米捷養傷，另一箭頭韋菲特邦尼傷愈後未回復最佳狀態，近期靠三號前鋒艾華路華斯基斯攻堅，效果麻麻，難怪教頭米高盧特拉都話想於一月買多個前鋒幫拖。不過，「天鵝」勝在中場多猛人，組織力在維拉之上，趁對手愈踢愈沉，有力反客為主！