馬迷贏錢從未易過

不死鸟

賭馬各師各法，有人以小博大刀仔鋸大樹有人以大博小大大注WP當收息。有人專吼冷門博大堆，有人專攻大熱門有人集中賭三T、孖T或六環彩大彩池，有人則買過關，更有人全日買一隻，有人由排位朝刨到開跑前，有人照報章貼士買，有人靠收料，靠耳聽，總之條條大路通羅馬，有人早到，有人遲到，可能有人行極都未到，有心唔怕遲。
資深馬迷都應該記得或賭過六、七班馬，?陣時低班馬亦為數不少，不論草地定沙地都吸引唔少馬迷投注，有些馬房專練低班馬，更有所謂六班王，記憶中「松山」便是當中表表者。時移世易，依家最低都係第五班，六七班馬成為集體回憶。始終低班馬質素所限，兼且大多演出比較失準，今場好下仗未必能保持，上場包尾隨時又可變第一，海軍鬥水兵，邊有信心大注。
講到三、四班比較上具可博性，而且數量較多，實力則較接近，競爭性強，但加上一些插班馬，底蘊未明，增添不明朗變數，始終新舊馬混戰，大家都係估估�校�增添難度。至於一、二班賽，實力就更加接近，不論是平磅大賽或讓磅賽，前者有時票數集中到買唔落手，屬好睇唔好賭，後者因應騎師、狀態、路程或跑道形勢不同，經常出現輪流贏賽果。以上情況尚未計一些馬房部署手法的陰謀論，難怪馬迷都話越來越難贏錢。