|
|
2014年澳職今日直播第一擊！阿德萊德聯會喺主場迎戰FC悉尼，如果講氣勢，一定係主隊秤先。不過阿德萊德聯陣中「阿根廷孖寶」摩拉利斯紐曼同卡路斯卡今場缺陣，對球隊嘅中場線影響幾大，與其捧「阿聯」讓平半嘅上盤，不如博兩隊鬥攻，合演「大」龍鳳，開入球大就Happy New Year喇！
（有線64及203周五下午4:30直播）
阿德萊德聯最近3場聯賽2勝1和冇失波，可謂士氣高昂。不過喺佢哋當頭起嘅時候，好唔好彩出現傷兵潮，而且仲要集中喺中場線，10號仔發電機卡路斯卡受傷，翼鋒摩拉利斯紐曼又要停賽，無咗呢兩位阿根廷好波之人，實力點都打啲折扣，而且奧沙麥馬歷同巴西中場法比奧費拉拿都有傷，唔係話咁就贏唔到，但就有啲難度！
迪比亞路踢得
FC悉尼喺聯賽雖然連輸兩場，王牌前鋒迪比亞路上場踢咗45分鐘就退下火線，不過賽前消息話佢今場可以上陣，對球隊絕對係一支強心針。加上FC悉尼仲有李察加西亞同艾馬頓等經驗豐富嘅球員，唔會咁容易因為近期戰績差就沉淪落去，話唔定想把對手唔齊腳下，攻喪攻搶分。邊隊贏無所謂，入得失得就啱晒喇！
頂占筍盤：阿德萊德聯 入球大 |
|
金睛卡
发表于 2014-1-3 10:32
变色卡
显身卡