筍盤益你 赤胆雄威轉場可捧

不死鸟

 韋達早前陣上違規，跑埋禮拜五後被罰停賽兩日，呢次服刑前一戰騎足十一場，相信應有頭馬進帳。第四場四班千六米，「赤胆雄威」季內七戰全部捧成大熱門，結果只得兩亞一季，表現令人大跌眼鏡，但韋達仲唔肯放手，加上喺四班始終有啲分量，不妨再信多一次。

        「赤胆雄威」近兩仗三甲不入，但要留意呢隻馬以往未跑過谷草，所以分別跑第四同第五兼輸得接近，表現勉強可以接受﹔今次回師勝途田草千六米，對手差唔多係今季最弱一次，點計都值得優先留意。文廐今戰兩匹出王牌報名嘅「赤胆雄威」、「聚有盈」都交畀韋達操刀，明顯已露搏殺手影，前駒力足打開今季勝門。

        今晚曼聯主場對阿仙奴嘅歐聯四強首回合，由於雙方太過熟路，表面計會係一場勢均力敵賽事，但近六次阿仙奴作客奧脫福球場，居然錄得一勝五負曳績，證明呢支傳統勁旅作客鬥曼聯，威力即時大減。

        早前曼聯派出大量副選出戰足總盃四強，結果加時互射十二碼後畀愛華頓淘汰出局，但就因為領隊費格遜肯畀主力休息，結果上仗聯賽喺落後兩球下，最終仍能反勝熱刺五比二。踢到季尾階段，球員體力係爭勝最重要一環，總之嚟過就實係好事，主客和主勝值得一捧。