「灰姑娘」曼城強襲紐卡素

猪拉多纳

我終於返到香港喇，本身回港當然開心，但近來香港足球界正處於多事之秋，睇到搞成咁，心情就即時低落晒。

當然依家事件仲調查緊，我們唔應該妄下判斷，但係我認為有危就有機，如果港足能把握機會改變現況，將壞細胞殺清，再由根本性嘅資金來源及架構出發，改善球員待遇，同球會發展嘅穩定性，可能今次事件未必百害而無一利。但邊個能雪中送炭呢？
入場支持 港足先有救

你會話我紙上談兵當然容易，但身為球迷又可以做啲咩？其實球迷只需要入場就夠。試想想，如果係今個星期嘅港甲每場比賽都有三千人入場，為嘅就係支持港足，對贊助商嚟說係一個非常正面訊息，可能會刺激到有白武士出現救救港足。

講起資金，得到巨額資金支持嘅曼城亦由二線球隊，搖身一變成世界強隊，就好似灰姑娘一樣瞬間變公主。今個星期呢位着藍衫嘅公主作客對住紐卡素，以曼城嘅攻力同紐卡素防守力，我相信會係一場大比數交易比賽，而最後勝方當然係曼城啦。大家今個星期記得入場睇完港足之後，夜晚再睇紐曼大戰呀！

（now 621周日晚10時05分直播）