皇馬「-2」有揸「拿」

猪拉多纳

C朗「謝斯仔」狀態火熱

今晚西班牙盃上演16強首回合賽事，其中皇家馬德里將會喺主場迎戰奧沙辛拿！「銀河艦隊」嘅傷兵已經慢慢復出，最緊要嘅係王牌C朗拿度受到恩師尤西比奧嘅辭世激發，踢到着晒火，拍住愈踢愈有嘅新星謝斯洛迪古斯，讓到兩球都冇有怕，一於力捧1.75倍「讓球主勝」啦！

（now632台周五凌晨4:30直播）

講到國際球壇近排最重要嘅事件，當然要數「黑豹」尤西比奧因心臟病辭世，同佢素有交情嘅新一代葡萄牙天王C朗拿度，上仗亦都為恩師梅開二度兼射入職業生涯第400球。

其實早喺C朗成名之初，尤西比奧就曾經大讚佢極具成為頂級球星嘅潛質：「（成為球星）條路一早為佢鋪好咗。」到咗今日C朗已經成為世界頂尖球員，相信近兩場聯賽攻入3球嘅佢，今仗會繼續為悼念「黑豹」發威，拍住上仗再度交出助攻嘅新星謝斯洛迪古斯，絕對炒得起奧沙辛拿。
「大聖爺」復出火力更猛

仲有呀，唔好唔記得養咗傷一段時間嘅加里夫巴利已經喺上場對切爾達嘅西甲後備上陣，更交出靚助攻，今仗有望繼續披甲操Fit狀態。「大聖爺」受傷前曾經喺3場賽事入面轟入5球，今次對住全季喺各項賽事作客得兩勝嘅奧沙辛拿，自然係佢數胡嘅機會，加埋大佬C朗，省多幾粒冇難度啦！