艾爾切回落難敵西維爾

猪拉多纳

今季賣走晒尼格度、捷西斯拿華斯、加利美度、干度比亞等主力嘅西維爾，一度被認為有降班之虞，但經過半季之後，唔單止殺入歐霸16強，仲有力爭來屆歐聯入場券添。除咗歸功教頭艾美利領導有方之外，不得不讚該隊估波眼光獨到，只係用咗700萬歐元，從布魯日執到筍貨卡路士巴卡，挾住比甲金靴威名初登西甲即有料到，依家喺聯賽已經入咗9球。除咗呢位哥倫比亞前鋒腳風勁順之外，從聖日耳門借來嘅加美路時有佳作，加上中場指揮官兼隊長拿傑迪錫重拾狀態，無論造波定後上埋門都交足貨，甚至惹來利物浦垂青添。

西維爾今仗作客艾爾切，後者經過一輪虛火後，已經打回原形，近4場輸晒之餘，有3場連波都入唔到，就算主場出擊，都頂唔住西維爾進襲，西軍小讓平半不容錯過。
TVB 13直播

now 632直播