錫周三列斯聯鬥曳吼細

猪拉多纳

昔日英超勁旅、十年前開始衰落嘅英冠球隊列斯聯今晚將作客英格蘭傳統弱旅錫周三，列斯聯近況勁曳，攻力疲弱，今仗作客睇怕都係攻唔入防守唔差嘅錫周三，入球細值得捧場。
兩軍攻力都唔掂

列斯聯曾喺千禧年代初期有過一段風光日子，00-01球季更喺歐聯殺到入四強，可惜之後無以為繼，更因財困問題而開始沉淪，喺03-04球季降班到英冠，自此一直喺低級聯賽徘徊，至今仍未回復昔日光輝，今季仍為攞升級附加賽資格而苦苦掙扎，球隊依家喺英冠排緊第八，近期狀態好差，近三仗全敗，上場英足盃對住乙組仔羅奇代爾輸咗不特止，更係一球不入，攻力好有問題。

之前一直停留喺降班區嘅錫周三近期終於暫離降班漩渦，球隊狀態回升，尤以防守有改善，但呢隊波始終係守強於攻，攻力唔掂，所以近七場有六場開出入球細，今仗一於再捧細盤。
TVB 301直播