帕爾馬失意軍人夠爭氣

猪拉多纳

帕爾馬今季成功演繹「失意軍人」大翻身好戲，教練鄧納東尼、兩位射手卡斯辛奴、阿馬利，都曾經名震一時，但近年事業走下坡，結果喺帕爾馬相聚，反而產生「負負得正」化學作用，近八仗保持不敗，包括作客擊敗勁敵拿玻里，絕對唔嘢小，今晚作客小讓利禾奴平半，力撐帕爾馬上盤。

鄧納東尼話晒係意國一代名將，亦執教過意大利國家隊，可惜近年際遇麻麻，直至兩年前成為帕爾馬主帥，先至安定下來。或者物以類聚，佢今季搵番高峰期已過嘅卡斯辛奴幫手，效果出奇地好，呢位「壞孩子」憑個人魅力及足球才華，帶起整支球隊，前祖雲達斯射手阿馬利喺佢支援下都翻生，加上「人球」馬高柏洛路大熟大勇，成為意甲一支攔路虎，對住費倫天拿、AC米蘭、拿玻里、國際米蘭，都能夠保持不敗。
利禾奴信心盡失

利禾奴繼續沉淪，近七場聯賽只得一和六負，已經成為降班熱門，球員信心及士氣盡失，唔係帕爾馬對手。
TVB 301直播