費倫門口狗作客甩拖

猪拉多纳

意甲今季前列打到分開幾截，榜首祖雲達斯甩開晒，隨住米蘭雙雄走晒樣，唔少球隊取而代之，當中包括肥叔眼中嘅銀行隊維羅納，但佢哋今周要硬撼拿玻里，場波唔易踢，都係暫時忍一場。而第四位費倫天拿客場本身評級唔高，今場作客拖連奴做緊平手盤，博主隊！

（TVB 301周日晚7時30分直播）

單睇費倫天拿紙上賽績都幾惡，佢哋連贏五場，而且失波數字好少，不過，細心一睇，當中四場係主場賽事，作客唯一勝仗只係擊敗弱旅薩斯索羅！論主場評級，費倫係意甲頂級球隊，但作客完全係兩回事，佢哋一再喺客場失分，千祈唔好睇得太高。拖連奴同屬主強客弱之輩，今季主場發揮平穩，今場操盤手整個平手盤，引到唔少人玩名牌球隊費倫，但個人認為拖連奴贏面更高。
貝迪斯上盤見手影

同日西甲賽事貝迪斯主場對奧沙辛拿，主隊排緊包尾，但係今場讓到半一，個盤硬淨到有啲唔尋常。論實力兩隊係同級球隊，貝迪斯呢場頂盡讓半球，無啦啦讓多咗，反映部分人士對呢班波好有信心，呢場可以博上盤。

（周一凌晨零時開賽）