鳳凰瘋狂擴軍打殘水手

猪拉多纳

排澳職尾二嘅威靈頓鳳凰今日迎戰前列分子中岸水手，大有可能食住近期強勢繼續搶分，已經連贏三場嘅鳳凰賽前簽入兩位前鋒加強進攻火力，可見佢哋雄心勃勃想喺新一年發圍，相反中岸水手依家飽受傷患困擾，主力球員又被挖走，嚟緊隨時愈踢愈衰，所謂寧買當頭起，鳳凰讓平半，今場一於撐1.84倍「上盤」。

（有線64及203周日下午2:00直播）
水手近兩場作客失6球

威靈頓鳳凰前鋒伊菲爾足踝傷要長抖，球隊簽入斐濟前鋒基舒拿替補，呢位26歲射手為澳職史上首個斐濟兵，喺國家隊踢22場入14球，入球能力不俗，鳳凰日前再同23歲前鋒盧積簽短期合約，確保有足夠人手調動，加上連續三場有波入嘅侯斯甘斯，主場出擊夠晒火力。

中岸水手最近兩場作客輸晒，冇波入仲失咗6球，中場主將麥堅治被外借去日本嘅仙台維加泰，阿根廷中場馬高斯科利斯又收咗咧，削弱水手嘅戰鬥力，今場睇怕冇運行。
頂占筍盤：威靈頓鳳凰 （上盤）