國米鬧星散半場細有基

猪拉多纳

意甲今晚上演雙料娛樂，球迷聚焦壓軸戰，國際米蘭主場對基爾禾。國米歇冬後兩戰皆敗兼冇波入，實在令人失望，傳媒等緊教練馬沙利幾時被炒，部分主將更可能趁冬季轉會市場「跳船」，球隊士氣低迷，難怪表現力不從心。基爾禾遇名牌球隊即採取死守，就算輸都係小敗；國米主勝僅1.37倍，可謂高風險、低回報，Mic少建議揀1.95倍入球細。

（TVB 301周二凌晨4時直播）

國米歇冬前贏得打吡戰，但抖咗一排反而洩咗氣，分別於聯賽及盃賽同樣以0比1輸畀拉素及烏甸尼斯，首席前鋒柏拉斯奧腳頭無靈，迪亞高米列圖復出後狀態仍然不足，加上莫路伊卡迪受傷，中場指揮官古亞連停賽，國米進攻組合近乎癱瘓，教練馬沙利依家都好頭痕。

值得一提，左閘長友佑都近期獲得皇馬等大球會垂青，隨時可能離隊，呢位日本國腳今季聯賽有四球進帳，仲不時貢獻助攻，佢嘅離隊消息難免打擊軍心，亦可能影響佢發揮。馬沙利帥位危危乎，但求攞三分唔敢奢望贏得漂亮，好可能領先後採取穩守戰術保勝果。
基爾禾遇強即守

基爾禾自知技不如人，遇強即死守，「代表作」包括悶和AC米蘭0比0，以及0比1僅負羅馬，上仗意盃對費倫天拿都只係輸0比2，估計基爾禾今仗小負居多，入球細有分頭屬於最佳選擇。