荀盤益你:家家興旺賽績好

不死鸟

早排葉楚航被競賽董事小組告誡，內容大致係叫佢要保持馬匹表現嘅連貫性，結果最近呢個倉嘅馬又的確幾穩定，「八運寶」、「錢會來」同「紅日」等唔理冷熱均打呲贏，今戰不妨繼續揀選葉廐馬捧場。

        第十場三班千六米，「鎗臣」、「駿達駒」同「家家興旺」跑同程未失三甲，但前兩駒唔係升班就係近績麻麻，計落都係以「家家興旺」最值得留意。呢匹葉廐馬隸屬幸運團體名下，以往同主?「同興旺」冷熱皆搏，而「家家興旺」亦一樣逢出必拼，上季一出即爆二十倍贏新馬一千米，今季復出三仗所負不遠後，前仗嘅巫斯義胯下又以二十二倍贏田草千六米﹔上仗重返三班跑同程兼改由杜利萊接手，表現仍相當對辦，排九檔出閘後，沿途居外�宋g位形勢不利，終點前如飛殺上跑第三，落後頭馬「競駿精英」兩個多馬位，但本身造出23.11秒已係全場最快，亞軍「家家寶」再出補中，足證轉排三檔?「家家興旺」有重視必要。

        一連兩晚舉行歐聯賽事後，今晚輪到歐協四強首回合上演，呢場雲達不來梅對漢堡，自己睇好有主場之利?雲達可以先下一城。先睇德甲形勢，雲達三十九分排第十，冇得爭標但又唔會降班，球會上下自然已將焦點放晒?歐協盃身上﹔相反，漢堡目前排第五，但其實只落後榜首禾夫斯堡三分，所以仲要分心力爭聯賽冠軍，一眾球員都咪話冇壓力。

雲達不來梅戰意強

       另外，論近況雲達亦逐漸回勇，至少對上五場喺主場取得三勝兩和，其中近三次入十一球之餘，上仗亦喺落後兩球下反勝波琴三比二，盡顯球員無比嘅鬥心。由於漢堡出名主場勁，為免夜長夢多，相信雲達今次一定唔會放虎歸山，加上最近六次?主場迎戰漢堡錄得三勝兩和佳績，可博主客和主勝。