皇馬欠銳 作客煲魚生粥

猪拉多纳

西甲早場皇馬作客貝迪斯，皇馬踏入2014年四場贏晒兼不失一球，不過顧得搞好防守，進攻卻失去銳利，主帥安察洛堤亦突然轉軚，承認季初倉卒放走中場核心奧斯爾可能犯錯，因為艾斯高嘅組織能力明顯差啲，「肥安」仲話之前受傷嘅天價飛翼加里夫巴利仍處於適應期，面對敵方擺出鐵桶陣嗰陣，依然冇乜板斧。
貝迪斯護級戰意盛

貝迪斯今季可以喺歐霸出線16強，但於聯賽淪為包尾大幡，呢種「神經刀」本色真係估佢唔到，啱啱喺西盃出局，呢段時間可專心護級戰，唔好睇貝軍連場不勝，近年喺主場經常迎戰皇馬特別醒神，近五次正式比賽交手只敗兩仗，仲要係輸一粒咁大把，加上依家護級形勢水深火熱不得不搏，斯維唔敢講佢哋今仗贏到，但一定唔會輕易就範，況且皇馬今季作客經常煲魚生粥，讓球主客和「銀河艦隊」讓一球，贏一粒嘅讓球和有3.95倍咁好分，不妨一試。

now 632直播