尼斯「讓客」食「賽」咁食

猪拉多纳

今季表現跌Watt嘅馬賽，喺聯賽少打1場落後榜首巴黎聖日耳門18分爭標夢碎，加上佢哋喺歐聯同聯賽盃出埋局，依家只剩番足總盃有得爭，成班球員咪話唔大壓力。佢哋今晚喺法總32強主場迎戰狀態大勇嘅尼斯，睇怕幾難喺法定時間內搞掂對手，一於捧2.52倍「讓球客勝」。

（閞賽時間：周三凌晨4:00）
馬賽今季輸剩法總

馬賽今季認真黑仔，喺歐聯分組賽同多蒙特、阿仙奴、拿玻里列入死亡F組，結果6戰全敗包尾出局，冇得踢歐霸盃之餘，更嚴重打擊球隊信心。就算佢哋喺上個月換教練改由安尼高領軍，表現亦未見起色，至今只贏得2場波。佢哋上仗喺法聯盃8強更輸畀里昂出局，士氣可以話跌到落谷底，兼且主力射手阿休仲未好番，今仗對住回勇嘅尼斯難言穩勝。

尼斯近7場比賽贏5場，當中有5仗保持清白身，而且佢哋個首席前鋒施維坦歷治重拾射門鞋，對上兩場比賽分別有波入。尼斯喺上一圈64強賽事，亦試過作客打敗另一支前列球隊南特晉級，今次對住態沉嘅馬賽，相信有力保持不敗。