巴塞爆危機吼細有利

猪拉多纳

西班牙盃8強首回合今晚深夜繼續上演，其中利雲特將於主場迎戰巴塞隆拿。兩軍幾日前喺聯賽先交過手，當時利雲特主場以1比1打和巴塞，可見球隊自己地頭演出非常硬淨，今仗面對軍心不穩嘅巴塞有力再靠嚴密防守抵擋對手進襲，入球大細中位數調至3.5球梗係捧細盤。

（now 632周四清晨5時直播）

利雲特幾日前主場同巴塞打和1比1。利雲特喺嗰場波嘅嚴密防守好有效，球員充滿紀律性，成功抵擋巴塞攻勢，今仗有力再重演日前聯賽嘅賽果。
尼馬缺陣美斯冇料到

巴塞上仗雖有美斯壓陣，但踢嚟冇厘神氣，前線冇咗尼馬面對嚴密防守顯得老鼠拉龜。主帥馬天奴更喺賽事中段接連以90後小將換走法比加斯、柏度洛迪古斯同沙維，惹嚟部分球員質疑佢嘅調動，軍心似乎出現危機。再者今仗只係首回合啫，巴塞大可回師主場先全力搏殺，阿謙相信入球唔會多，大細中位數調至3.5球自然捧細盤啦！