世界漫遊:夢寐以求班底高

不死鸟

  新加坡馬會響日前公布今屆新航國際盃同埋KrisFlyer國際短途錦標嘅入選馬名單。路程二千米?新航國際盃，外隊有八駒之多，包括上屆冠軍南非代表「精闢圖像」﹔新鮮出爐?女皇盃盟主「百威勝」﹔今季易主轉為代表阿聯酋再度赴會嘅「希臘寶馬」﹔南非殿堂級練馬師郭克旗下嘅「叫座之星」﹔原籍巴西、現時代表法國上陣喺應屆杜拜世界盃亞軍「冠軍風采」﹔上周響澳洲一級賽女皇伊利沙伯錦標打破接近兩年頭馬荒嘅「龐貝尊主」同埋佢哋蹄下敗將Sarrera，日本方面則有上年札幌記念冠軍Tascata Sorte入選最後名單。主隊五駒之中，則以Any Humour近況最勇。

         至於角逐草地千二米嘅KrisFlyer國際短途錦標，十四匹入選馬包括應屆杜拜金莎軒季軍「魔界名駒」﹔澳洲短途長青樹兼上屆冠軍「兼併目標」﹔南非短途王「神話飛駒」﹔香港嘅「創惑」同「蓮華生輝」。主隊七駒，奪標希望落響有新加坡版「精英大師」美譽嘅「火箭人」身上，呢匹馬舊年出道至今七戰全勝， 今次首次同海外高手較量，應可睇清楚有幾多料。

        講番聽日頭場四班草地千二米，鍾意班底較高嘅「夢寐以求」，今次用蔡明紹減磅好跑，博單Ｑ可考慮新勝猶勇嘅「心中有勁」，熱熱哋都應該有肉食。