頭盤食出常歡笑

不死鸟

今屆女皇盃有人歡喜有人愁，英國代表「百威勝」技壓主隊「爆冷」奪魁，練馬師古萬尼繼「飛霸」之後再度揚威香江，人家齋跑一條直路過晒，失落獎盃的大摩都輸得心服口服咯！
明日兩人異地相隔，不過隨時由仇人變恩人，事關新一匹大摩馬房團體馬「頭盤」，正由古萬尼馬房出來，這英國自購馬外地四戰兩贏兩第四，其中一場勝仗於膠沙地1728米，竟大勝對手四個半馬位，現只三歲肯定大把進步空間，再查血統父母兩線皆為美國馬，跑泥地肯定在能力範圍之內，博「頭盤」食得出。
舊馬方面較憧憬「常歡笑」，無疑今季演出遠遜於上季，惟經過大半季時間調整，評分已回復支持位，相對於「風火神駒」、「海之宏」等近績出色馬，體力一層更加不用懷疑，過往兩戰泥地一季一第五，後上馬唔怕食沙，今勻早段肯主動多少，不難一條直路平反敗局。