巴塞無謂搏寧吼讓球和

猪拉多纳

今晚深夜續演西班牙盃4強次回合，皇家蘇斯達返主場迎戰「地上最強」巴塞隆拿。依家聯賽爭標形勢緊湊，巴塞不能再鬆懈，況且佢哋首回合Lead住2比0，今仗隨時派副選出場，對住主場硬淨嘅皇蘇似小勝格，客W太熱冇肉食，不妨冷敲好分頭嘅讓球和。

（now 632周四清晨5時直播）
有本錢喺手唔使去盡

上場聯賽巴塞喺雨戰中反勝西維爾，重現久違嘅血性，成隊都搏得好盡，美斯完半場前入波後怒吼，將抑壓咗好耐嘅悶氣盡情宣洩，睇番現時聯賽佢哋同皇馬及馬體會同分，爭持相當激烈，加上西盃首回合以2比0擊敗皇蘇，有兩球本錢喺手，主帥馬天奴今仗隨時讓主力休息，派桑治、沙治羅拔圖、基斯甸泰路等副選出戰唔奇。

皇蘇一向係地頭蟲，今季於主場嘅國內賽事只曾輸過畀馬體會，表現頑強。上仗聯賽對利雲特嗰陣，皇蘇特登唔畀前鋒卡路士韋拿打正選，明顯留力喇，不過首回合佢哋嘅中堅恩尼高馬天尼斯領紅被逐，今仗要坐波監，對防守點都有影響，而巴塞又未必去盡，喺拉成均勢之下，「地上最強」頂盡小勝，客W熱到得番1.3倍太乏味，讓球主客和巴塞讓一球，不如博巴塞贏一粒、有3.75倍嘅讓球和仲好喇。