新特蘭盃賽特醒 唔赦修咸頓

猪拉多纳

英格蘭足總盃16強頭場上演另一場全英超對碰，新特蘭主場鬥修咸頓。新特蘭雖然於聯賽陷入降班危機，不過踢盃賽卻係另一回事，黑貓今季主場7次出戰本土盃賽未嘗一敗，強如車路士、曼聯都唔係佢哋敵手，受讓平半下盤捧得過。

（now 621、632及633周六晚8時45分直播）

聯賽成績差唔代表盃賽一樣衰，近年英超先後出現過伯明翰同韋根喺贏得盃賽冠軍卻於同季降班嘅例子，所以聯賽成績同盃賽表現唔可以掛鈎。新特蘭今季喺光明球場踢咗7場盃賽，計埋加時戰全部贏晒，對手包括車路士同曼聯，演出充滿說服力。
養精蓄銳體力佔優

另由於新特蘭周中對曼城嘅聯賽受天氣影響要改期，令黑貓變相有更多時間備戰，體力上佔優。至於修咸頓近兩場作客先後擊敗富咸及侯城，但佢哋上季重返英超以來5次對新特蘭從未贏過，心理上輸晒，作客根本冇把握喺法定時間之內解決對手，讓波必捧下盤。