狄奧圖終於出王牌

猪拉多纳

　　今戰谷草提供兩口孖寶估計會有一定分頭，啱心水可以跟多少。第五場四班1650米，「狄奧圖」縱使質素唔會好高，但居四班一定不吃虧，要贏馬應該唔難。近兩仗跑同程均沒有王牌在身，一次跟前，一次留後，最終同樣所負不遠，距頭馬兩三個身位而已，肯定已經試準。今次葉楚航終於出王牌，並扳大頭用上紅人莫雷拉，擺明有心出擊，事實人馬曾合作一次即第四，有晒默契，因排12檔起步會換到賠率，買得過。「駕寶」現階段以谷草1650米最好，上場贏五班姿態輕鬆，今回升四班依然不可睇小，亦要兼顧。

　　尾關第六場三班1200米，「百戰百勝」季初尚可以於二班評81分上名，現時77分跑三班必然有利，況且谷草發揮向來優於沙田，而本身屬留住衝一段，12檔影響不大，千祈咪睇小。「塑料盈」近期於同程明顯搵到新出路，只要出閘順利守到好位，可一攻而破。

　　另一口為第七口孖寶，第七場三班1650米，「嘉應小子」上仗初跑同程，礙於檔差沿途居後，但直路一衝跑近，表現不差，郭能唔放手有計。「自成一格」上場入Q已見復甦，谷草一哩專家韋達唔揀用蘇狄雄分多啲仲好。尾關第八場二班1800米，「友運行」今季喺蘇偉賢手上養得好，可勤拼之餘，陣上亦交出好成績，已獲一勝三位，唞番個多月再跑目標清晰。「天合」曾於谷草展現強橫後勁，場地性能當然冇問題，按血統有長力，此場最佳冷門之選。

　　耀鈞