上周三連場搏殺 方嘉柏孖住洋將搵食

猪拉多纳

　　方嘉柏近期賽事不斷增添頭馬，上周谷中夜賽，7駒上陣，到2W4P，重現谷中霸王本色，今次阿方又上足子彈，場場有馬出，睇陣容，呢次又係唔講得笑，肯定會連場出擊。

　　上個禮拜三，方連場入圍都係孖住兩三個洋將，好似薛寶力、安國倫、潘頓咁，睇佢今次各場配搭，徒弟仔騎3匹，「手機皇」、「快快贏」和「日日發」，唔係好大餐士，重心出擊對象應該又係落在幾匹洋將賽駒身上。

　　頭場「飛天龍駒」，之前幾仗唔係第二，就係跑第四，不斷敲門都係贏唔到，係就係冇運仔，起碼比起季初時成績穩定落。

　　勝利大將省招牌

　　第四場「勝利大將」，轉馬房初出，方仔早前憑「十二門徒」剃過阿Paul眼眉，呢隻馬今仗適逢檔好、路合，話唔定省多次招牌。

　　至於三寶場次，方家軍亦有「馬得利」、「愛的呼喚」及「天合」，呢3匹馬之中，既有路程專家，又有近績好及懷質不薄之輩，就算未必可以贏得晒，至少有資格爭取勝利。(Jack)