鐵拳機會來臨

不死鸟

一般馬匹勝出，評磅員正常加七分，跑第二多數加一至二分，好似今次快活谷草地夜馬賽，由一班馬擔綱演出的法國賽馬會盃，路程1650米，該場上次跑入亞軍的馬有三匹，分別是「財到得勝」、「愛馬寶」及「鐵拳」，前兩駒就只是加了兩分，但「鐵拳」卻要加四分，可見在評磅員心目中，輕重程度是明顯有所不同。
「鐵拳」此匹苗禮德練馬師團體馬，上季在快活谷贏二班1650米，能壓倒「神州一號」開勝門，已被視為窄場專家，今季此匹四歲馬，十月五日先跑一場田草1200米賽事作熱身，次仗即報一班谷草1650米，果然九倍動食指，可惜遇�粢黄�實力更強的「秘密行動」僅得亞軍而回，但一般欄邊客都認為，此馬跑番1650米，好快就可以補中，豈料馬房再出安排跑較長谷草1800米，先輸一場來退熱，所以到上次（四月五日）縮程爭一班1400米，就冷至24倍，當馬迷估計倉口再用寓賽代操的手法，豈料唔聲唔聲嚇你一驚，一條直路與15元大熱門「鳥語花香」單打獨鬥，最後只輸馬頸位，可見相當犀利。
四月八日復課，楊啟棠連續四天策牠在大跑道踱步，簡直視如心肝寶貝，到上周三此子再策此駒拍跳，馬房用伴跳馬相伴減低欄邊客注意力，就是苗?馬夠火喉起筷?人之時刻，看來一年一度贏馬兼捧盃時候已經來臨。
「電子精英」二月十八日贏完1650米，氣走「電訊高星」之後，?夠之後今次又縮程跑番1200米，同晚有新勝1650米不報名，明顯考馬迷膽量，但上周四排位日之晨，柏寶晏走為此駒在河畔試草地是洩露天機，如果唔係贏得之馬，這位鳳凰「捉奇」真係唔會咁落力，再看跳到最後400米，時間快達廿二秒六依然紋風未動，一於捧佢揸?攤。