紐卡素以逸待勞有分袋

猪拉多纳

英超今晚有場中游大戰，由侯城主場對紐卡素。紐卡素上仗絕殺阿士東維拉取得久違的勝利，球員信心及士氣自然不錯，今仗作客面對剛於上周六及周二凌晨連踢兩場的侯城，藉以逸待勞之利絕對有力全身而退，阿謙今仗捧讓球客勝。

紐卡素自踏入2月後，竟然三場聯賽都落敗，而且仲係輸到「大大鑊」，球員士氣可說跌到谷底。不過，「喜鵲」上場主場對阿士東維拉，憑法國前鋒雷米補時階段入波成功「絕殺」對手結束三連敗，球員信心自然回升不少，今仗就算作客都有機會反客為主。
侯城賽程密難回氣

侯城上周六踢完對卡迪夫城的聯賽後，周二凌晨即要於英足盃迎戰英冠球隊白禮頓，雖然球隊有作出輪換，但仍有五名球員係踢晒兩場賽事，當中包括兩位後防主力美羅費古羅亞及居迪斯戴維斯，兩人的體力可能會出現問題。侯城最近兩場聯賽勝仗皆於客場取得，反而主場的聯賽已連續三場贏唔到，今仗就算主場出擊亦未必可以佔到甜頭，阿謙睇好紐卡素今晚會有分袋，一於捧讓球客勝。
now 624周六晚11時直播