世界漫遊：瀟灑財星再接再厲

不死鸟

早前以大冷門身分勝出肯塔基打吡嘅 Mine That Bird，幕後已決定乘勝追擊，出戰五月十六號舉行嘅三冠次關必利是錦標。Pimlico馬場發言人Mike Gathagan表示，佢響五月四號接到Mine That Bird練馬師Bennie "Chip" Woolley Jr電話，查詢有關出席必利是錦標事宜。其後練者接受當地傳媒訪問時亦證實呢個消息，佢話響賽前幾日先運隻馬到Pimlico馬場作最後備戰，爭取成為自1978年Affirmed之後，第二匹三冠馬王。

        講番今晚八場谷草賽事，第二場四班一六五○米，上仗爆三十二倍大冷贏同程嘅「瀟灑財星」，贏完隔咗差唔多成個月再跑勝途，由楊明綸換上徐君禮，配搭更加硬淨，有條件再贏多一場。第三場四班千二米，「金百利」季內六戰同程只得一次冇獎金，證明路有專長，交畀新人王蔡明紹操刀，戰鬥力即時大增，隨時執多一W。

　　第五場三班二千二百米，「瀟洒叻龍」對上一次贏馬評八十一分贏同程，連敗多仗後現評八十四分上陣，形勢上已有一定着數，今次有機會歷史重演，再響谷草大長途發威。