慷慨寶可一鳴驚人

猪拉多纳

　　第二場四班草地1000米，同班同程經常有初出馬一出即勝，今場兩匹同類分子中，應以葉「慷慨寶」最有重視價值，牠來港後的三課大閘均有好走勢，並曾在潘頓胯下贏田草1000米閘，成熟程度已足，睇準備乃即食格局。「一定旺」五次上陣例有獎金演出準，當中於同程兩度上名，排檔佳有力爭勝。「喜盈門」獨沽一味擅跑直路賽，試埋閘至跑一定拼盡。

　　第三場五班泥地1800米，形勢混亂乃博冷好時機。「輕越直前」季初尚於四班跑嫌短之泥地1200米入Q，可見當時評分已有利，現時進一步下調至35分跑五班賽，實在�魯档綍灒∩蠄�2200米放足此程已為今仗做好準備，換上馬房殺手郭能有出擊動靜，可望取得久違了的頭馬。

　　「非常好」又係評分大利，泥地性能之佳更不用多說，今次重戴眼罩應有計，排十三檔一定有錢分，正合倉主胃口。「真綵」在港兩季仍是三零部隊，肯定不是好貨色，不過賽前一課泥閘確實好吸引，容天鵬接手操好才出，擺明想即省招牌，不容低估。

　　其他馬方面，吳廐「彩利」及「愛得過」亦不可以睇小，前駒雖以谷草1800米最好，但泥地也曾有入Q紀錄，突然轉場博你唔信；後駒部署就似足上季贏馬時，同樣跑完谷草1000米即大幅增程至泥地1800米，六檔好跑有權晒。(耀鈞)