勝飛增程食尾胡

猪拉多纳

　　以往大賽日的賽後新聞版，馬迷經常見到蔡約翰及韋達此對練騎的威水合照，事關此廐高班惡馬多，韋達搏殺手風亦順，兩人攜手贏馬捧盃可謂家常便飯。但時移世易，目前香港馬圈好手雲集，他們個個騎得兼號召力相對不強，難怪蔡約翰也不再倚重韋達出擊，如周日此廐派七駒參賽，當中只得「桃花心」由韋達執韁，昔日此對最佳拍檔看似「熱情」不再。

　　當然，韋達堂堂十三屆冠軍又怎會坐以待斃？以其騎功及交際手腕，相信仍有不少練馬師樂意跟他合作；周日韋達獲五個馬房提供八匹坐騎，筆者睇好「勝飛」可食尾胡。此駒近仗集中跑1400米，但陣上所見落腳愈來愈慢，加上其父母服役時均贏至1600米，可見今仗轉戰1600米乃明智決定；既然今年韋達騎蘇廐馬頻入Q（見表），計落不能錯過。（歐陽志恆）