戴勝威盡毛里裘斯

不死鸟

每逢季尾，馬圈例牌有人事變動，最新一單係普萊西跑埋今季，下季返回新西蘭發展，亦例牌基於家庭理由；都啱o既，情況容許，試問邊個喜歡離鄉別井，一家人各散東西？當然，人各有志，現實社會為咗搵食，再唔想都未必有得選擇，好似返咗澳洲一段日子?戴勝及列高力，已轉往毛里裘斯另起爐灶，其中戴勝最勁，聽有個同佢好friend?老友講，戴勝上周末在當地出五隻贏四隻，信心返晒�a，展望未來將會更多支持，好快就可以還原真面目。
有一點Helen覺得幾特別，唔少騎師本身幾叻，但在港成績一般，自從離港後又會由龍變蟲，薛凱文就係最佳例子，講到尾最緊要有好馬在手，雖然戴勝墮馬後一度今非昔比，但見佢回勇都戥佢開心。稍後文羅大有可能回流香港，佢過去冇騎幾年，響新西蘭重整旗鼓後，返英國總算企穩陣腳，希望佢真係返到�a，且成為下一個風采再現?好手啦！