前鋒大久保嘉人專捉松鼠

猪拉多纳

日職川崎前鋒主場對大宮松鼠，主隊王牌前鋒大久保嘉人開季四戰食白果，今場賽前打鑼打鼓話要幫球隊於聯賽開齋，落場實搏命，大軍對住弱旅松鼠贏面高，1.65倍主Ｗ捧得過！

川崎前鋒上場於亞冠盃作客蔚山現代淨吞兩蛋，大久保嘉人陣上失機，開季遇上四場入球荒，非常冇癮！呢位星級射手賽前激勵戰友，表明要爭取季內首場日職勝利回報粉絲，仲話自己冇晒耐性，決心爭取士哥助球隊贏波。川崎前鋒近三次對松鼠贏晒，去季兩戰大久保都有入波，松鼠冇埋星級中鋒路華高域無力反抗，放心捧主Ｗ啦！

同日頭場直播賽事橫濱水手主場對德島漩渦，水手上場亞冠盃硬撼亞洲王者FC廣州和波，水手粉絲於場內高舉反種族歧視橫額，矛頭直指浦和紅鑽激進球迷。水手級數高過對手，獨忌中村俊輔及中澤佑仁等老將不利連拚，讓得多唔抵玩。漩渦開季兩戰失7球零士哥，攻力弱只能死守，預期今戰入波少，博細。

（有線61及201台周六中午12時直播）
紅鑽主帥柏度域最叻倒戈

另一矚目戲碼浦和紅鑽作客廣島三箭，紅鑽近日受到球迷掛起種族歧視橫額事件影響形象，好想打場爭氣波轉移視線，主帥柏度域去季倒戈兩勝三箭，今季再搵埋再有兩個三箭舊將西川周作及李忠成幫手，人腳更強，有望再贏舊會，今場要讓球客勝！
有線61及201台 周六下午2時直播