|
|
澳職前6先可以踢季後賽，但依家由第2至第7位都只係相差5分，競爭相當激烈！今日就有場關鍵戰上演，排第6嘅中岸水手喺主場迎戰排第7嘅紐卡素噴射機。論狀態，主場嘅水手啱啱喺亞冠盃擊敗廣島三箭，相反噴射機就喺賽前爆出內訌消息，此消彼長，捧2.25倍水手主W啦！
（有線64及203周六下午4:45直播）
噴射機兩將操練打大交
中岸水手近排喺澳職嘅表現麻麻哋，6場聯賽輸咗5場，好在，呢班波喺周中場亞冠盃回勇，以2:1反勝廣島三箭，錄得久違嘅主場2連勝，今日再喺地頭出擊，班球員應該信心十足啦，唔止咁呀，睇埋往績，水手過去15次主場對住噴射機只係輸過一次，證明佢哋真係食住對手o架。
紐卡素噴射機雖然有當紅射手阿當泰加特壓陣，但佢哋賽前傳出不利消息，就係門將比列基迪同守將泰萊列根操練嗰陣衝突，大打出手，泰萊列根更被打到眼角流血添！打人嘅比列基迪事後雖然公開道歉，球會亦都表明會內部處分佢兩位，但喺呢啲關鍵戰前夕先嚟出事，今鋪睇怕都係凶多吉少喇。
頂占筍盤：中岸水手（主勝）
|
|
金睛卡
发表于 2014-3-15 11:15
变色卡
显身卡