寶寶飛龍以逸待勞

猪拉多纳

　　季中打後許多馬兒漸趨筋竭力疲，別說爭勝能力，就連上陣比賽的氣力也欠奉，大家不妨睇睇第三場賽事。經驗告知，這類「遺材賽」一向大受歡迎，原因是各駒屢拼未逞，實力好極有限，充斥弱旅的場合，搏殺成功率自然事半功倍，所以凡見遺材賽事舉行，報名情況一定特別踴躍。

　　但今次情況較奇怪，全場出馬僅得十匹，就算於延遲報名階段，也只得「真霸龍」臨時報名補上，各廐對此反應冷淡，背後原因得一個，就是倉內馬匹狀態走下坡，根本無「力」參賽。

　　環顧第三場各匹戰馬，「薑餅人」誠是最有氣有力的一駒，季內只跑過五仗，出賽次數極少，距離上仗幾達三個月，休息時間亦充分，五歲馬正值大熟當打，而且轉投方廐後尚未交代，今排二檔靚位，同時復配贏馬經手人潘頓，各項有利條件集於一身，再憑藉體力遠勝對手這關鍵因素，坐位望贏料可辦到。

　　尾場二班1200米，「寶寶飛龍」今季出賽僅兩次，體力充沛，上仗拼至流鼻血，或令各位提起戒心。但從另一角度睇，此駒流鼻血也跑入位，證明本身質素超凡，並且忠心肯跑，鬥心強橫得無以復加。今唞夠重臨，隔晚又有分頭，抵博到極。(賭博士)