|
|
近排睇到人嘩嘩聲嘅，又點少得澳職球隊喺亞冠盃嘅成績。墨爾本勝利同西悉尼流浪者早幾日居然分別打敗咗橫濱水手及川崎前鋒，球彩台有位幕後同事成日話澳職水準唔可能同日職相提並論，睇嚟佢要收口喇！
今日對賽嗰兩隊澳職球隊阿德萊德聯同FC悉尼都唔使應付亞冠盃賽事，可以專心爭取澳職季後賽位置。佢哋最近喺澳職表現亦唔錯，狀態良好！先講「阿聯」，雖然三月初對「一哥」布里斯班獅吼輸波，但形勢不落下風；而上輪作客西悉尼流浪者，居然喺一致看淡情況下守和對手！儘管連續作客兩場不勝，但實際上演出又唔係太差！
迪比亞路傷愈復出
FC悉尼依家同時處於巔峰狀態，一口氣殺上嚟已經衝入第五名區域，雖然他們最近七場只係3勝1和3負，但就絕不放棄進攻！兩隊原來近8場澳職，同樣地只有1場食白果，其他7場賽事全部有入球，難怪雙方同時開出6大2細！「阿聯」有狀態出色的沙治奧施里奧、而「悉尼」就有傷愈復出的迪比亞路回歸，我同樣睇好兩位呢場都有波入o架！
（有線64及203台周五下午4時30分直播）
妹頭推介
阿德萊德聯VsFC悉尼
入球：大 |
|
金睛卡
发表于 2014-3-21 10:43
变色卡
显身卡