贏到爆生成冷門命

猪拉多纳

　　方嘉柏今次出馬貴精不貴多，全日僅派四駒應戰，表面睇「準備就緒」以及「手機皇」俱打王牌報名，求勝意欲似較濃。然而細心研度，賭博士認為第九場「贏到爆」與尾場「方程式」的動靜古怪，不排除也有突襲意圖。

　　先講「贏到爆」，至今在港八戰未贏馬開齋，角逐田草1000米及1400米則曾上名，當可視作牠的理想出路。恰巧今日第八場跑三班直路賽，尾場舉行三班1400米，「贏到爆」卻雙雙放棄，寧願增程挑戰盲門1600米，對一匹處女馬而言，如此捨易取難之舉，部署未免不合邏輯。

　　但看「贏到爆」過往兩度上名，臨場均為廿幾倍，明顯生成冷門命，亦有理由相信，問題出於幕後喜冷惡熱。今次「贏到爆」增程而戰，贏輸無從估計，卻由於根據欠奉，預期可換來不俗賠率，P當W賭諗得過。

　　「方程式」同樣在港未贏過，牠的往績顯示最叻跑谷草賽事，1200米曾奪一亞，1650米更兩次入Q；至於田草1400米，上季跑過三次俱名落孫山，今番舊地重遊，莫非銳意求減分？但回顧上仗，牠跑田草1200米後追甚勁，礙於路程嫌短及步速緩慢，結果姍姍來遲得第七，然而落後頭馬不過一乘許，今次增程照計啱啱好。(賭博士)