勁駿要做封面主角

不死鸟

 【本報訊】何廐今次出馬三匹，其中列陣頭場的「封面」及第四場的「勁駿」，何良表示均睇好這兩駒的機會。

        何良說﹕「『封面』今季六戰全部在四班賽上陣，近期所負距離一仗比一仗短，明顯已有進步。上仗跑谷草一哩大敗換來三分的減幅，今仗可以落五班上陣，畢竟有點便宜，三歲仔仍有進步空間，雖然賽績上屬三零部隊，惟我相信其質素絕非一般五班馬可比擬，面對弱旅，我駒當有討價還價之力。再者，此駒在港六戰有兩仗交由徒弟黎海榮操刀，人馬早有默契，今次故劍重逢應有更佳發揮，有望打破悶局。」

        「至於列陣第四場五班泥地千二米的『勁駿』，雖然已經是一匹六歲馬，惟只跑過廿六仗用得不多，季初試大閘後不幸流鼻血，其後已安排休息了五個月，近期試過兩課大閘，仄準健康冇問題才安排上陣。其實此駒身形細小，並不需要太多熱身亦可以跑得好，今仗既已做足準備工夫，再跑曾兩度上名的泥地千二米，希望交出水準重開勝門。」何良續說。