白禮頓今晚快車有雞偷

猪拉多纳

李城升英超未High完

肥叔縱橫球圈多年，認識過唔少叻人，猶太人做生意真係好叻，計數實唔夠佢計。英冠球隊白禮頓同英甲大軍賓福特主理人都係猶太人，兩個都係咁犀利。肥叔同賓福特老細關係好好，呢個世姪今季瞓身搞波，講明一定要打上英冠，依家班波升班機會好高，真係唔到你唔服！

白禮頓就仲要繼續努力爭取英冠附加賽入場券，今輪快車作客對已取得升班嘅李斯特城有望搶分，受讓可秤先！白禮頓去到爭升班最後直路走勢唔算好好，不過，呢班波始終有實力，經過一輪調整後，絕對有條件回氣再上。李斯特城已經鐵定重返英超，肯定財源滾滾來，搏足成季之後，班兵呢幾日經過一輪慶祝，仲邊有心情同你鬥生鬥死吖？讓到半一唔抵玩，要下盤。

（周三凌晨2時45分開賽）
班士利般尼搶分「大」作戰

同日另一場英冠賽事，班士利主場對般尼，一隊要護級，一隊要爭取直接升班席位，弱旅班士利近況好好，唔係冇得偷雞！至於二哥般尼已經甩開第三位球隊，但為免夜長夢多，點都會繼續搏殺，兩隊鬥攻，預期多入波，捧大盤啦！

（周三凌晨2時45分開賽）
肥叔心水

車路士上盤、大

皇家馬德里上盤

班士利大

白禮頓下盤

賓福特上盤