|
|
上周中8強首回合巴塞對馬體會，令人睇到嘆為觀止，雙方夠晒投入、踢得夠快、夠勁，展現超高技術。兩位阿根廷籍教練馬天奴同施蒙尼鬥智鬥力，精彩萬分，馬體會可以獲得寶貴作客入球，施蒙尼絕對係居功至偉。
紅褲子出身嘅施蒙尼雖然年僅43歲，但已擁有高深嘅排兵布陣功力，首回合作客巴塞，並冇縮後防守，而係排出4231陣式搶攻，每次甩波後，4位進攻球員立即喺前場逼搶，令巴塞難以從容反擊。由於呢種戰術非常消耗體力，唔能夠全場使用，所以當馬體會入波領先後，施蒙尼又立即改用穩守突擊，部署非常英明。如果話愛華頓領隊馬天尼斯用蔗渣價錢踢出燒鵝味道，咁施蒙尼就係將馬體會用蔗渣價錢踢出鮑魚味道，層次上又升高咗一個Level。
兩大教頭都有料到
另一邊廂，巴塞主帥馬天奴其實都唔係善男信女，最關鍵一着係留用尼馬，呢位巴西球星頭50幾分鐘表現一般，但馬天奴並冇換走佢，選擇繼續信任佢。或者馬天奴記得此前3次同馬體會交鋒，只有尼馬射入過對手大門，果然最終又係由佢建功。有陣時教練內心嘅想法，外人並唔係咁易理解，但有時嘗試去理解，睇波嗰陣會增添好多趣味。兩位主帥同屬有料之人，今晚再決高下，到底邊隊晉級，實在令人期待。
金句：8強西班牙內訌好睇過睇戲 |
|
金睛卡
发表于 2014-4-9 15:46
变色卡
显身卡