食得好四班着數

猪拉多纳

　　上期谷草夜賽提供兩駒結果全部贏晒，希望今次可以再接再厲，兩匹心水馬分別係第六場「食得好」及第十場「一馬當先」。

　　「食得好」落四班跑一定着數，事關歷來三次角逐此班賽事，共獲一冠兩季全上名，今次強配莫雷拉，更顯得求勝心切，而同場最強對手「連利之星」退出埋，大有機會贏番場。

　　「一馬當先」上場初戴眼罩，直情好似裝咗副摩打咁，一開閘就放出先過終點，大勝對手接近五個馬位。今仗雖升班再戰，但以贏馬姿態看應不構成阻力，連捷絕無問題。(張敬山)