郭能跌完執番兩P

猪拉多纳

郭能同孫達志運氣都相當麻麻，前者上期沙田日賽策騎「獅鷲」同賴維銘陣上講手，被罰停賽五日，而後者今季就成績不振，一直徘徊練馬師榜下游位置。郭能尋日第四場更加畀隻「幸運才子」拋下，好彩佢就冇乜大礙，之後仲憑「萬里驍」同「事事如意」拎到第三，算係執番身彩。
       
郭能被幸運才子拋下，幸無大礙，可以繼續策騎上陣。
孫達志五隻輸晒

而改名求轉運嘅孫達志，尋日似乎就未見到明顯成效，全日出馬五匹全部輸晒，尾場大熱門「威武福星」受阻下僅得殿軍，而家仲係以9W排尾三。