樂馳後勁強無懼外檔

猪拉多纳

　　第二場第四班1200米，「樂馳」季內轉戰同程後，表現明顯較以往穩定得多，至今已連續三仗上名共獲一亞兩季；雖則今仗排11檔起步，形勢看似吃虧，但靠後上搵食之馬相對影響不大，只要早段盡快找到遮擋，憑其強橫衝刺力，可望在直路一攻而破先過終點。最強對手應是「故事」，上仗同程跑第二，首次在港上名，北半球自購馬踏入今季開始適應水土，加上目前評分較來港時大幅下調25分，已具反彈空間，韋達埋門更親自試閘仄準走勢，有力與前駒一爭。

　　其他馬匹方面，「善喜」雖為延遲報名馬，但初戴羊毛額箍上陣，部署上唔似湊熱鬧咁簡單，況且同程一戰跑回一席接近的第四，絕對不可輕視。「東江神駿」40分馬，其實可報頭場五班同程，刻意跑四班孭超輕磅，力足搗亂大局。

　　第三場三班1200米，「確威龍」跑同程耍家，五戰獲一冠兩季兩殿，不入三甲的兩仗乃排11檔蝕位所致；既然上場之蹄下敗將「英勇大師」再出已贏馬補中，「確威龍」今仗續排靚檔，應可順利再下一城。

　　冷門介紹「勁駿皇駒」，來港後跑了四仗均為田草，雖未有上名，但輸得最遠亦不過六個多馬位，表現不差。今次轉戰谷草除對手減弱外，在港同父馬「牛精好友」亦擅跑此場地，估計應合發揮，有分頭值得兼顧一票。(耀鈞)