善喜轉場多人睇好

猪拉多纳

　　今晚跑馬地八場賽事啲隔晚飛數好怪，又唔係話冇一面倒嘅大熱門，但係佢哋竟然唔係今季嘅常勝將軍，而係一批今季未出頭嘅馬。可能因為季尾，所以大家都覺得佢哋會搏盡贏番場，一於信佢哋。

　　噚日睇飛，有三匹馬飛數勁到爆炸，佢哋分別係出爭第一場「元豐泰」、第二場「善喜」同第三場「真霸龍」（見表），前兩駒仲要係隔晚大熱門，睇嚟信心十足。周某自己就比較鍾意「善喜」，雖然呢匹馬今仗隔晚賠率比起上仗嘅差距最細，但係呢匹馬向來都係有飛表現較好，至今五次獨贏賠率低過6倍，有四次可以跑入前四名，今次隔晚得3.5倍，睇嚟係睇中佢轉場兼負輕磅，既然有人鍾情於佢，大家最好信多一次。騎師王方面，韋達同雷神齊齊騎足八場，其他人仲邊有得爭？周某今次就支持雷神。(周仲)