悔不當初？

猪拉多纳

　　周三賽後沈集成說潘頓推庄「幾叻仔」，但該場潘頓又沒有坐騎，換言之，寧坐冷板。最後該駒由莫雷拉勝出，潘頓曲線贊助了雷神1W。忽發奇想，如果他們鬥到季末，騎師之爭以1場頭馬分高下，最終潘頓慘以1W短頭落敗，會否悔不當初？！

　　騎師揀馬來跑，不是新鮮事，大騎師有更加多選擇，一場賽事之中，或許有3、4匹左揀右揀。但有得揀不代表必勝，因內裏包含很多因素，那位騎師的最終選擇，不一定以馬匹實力、進度作為篩選基礎，可能是人情債，因早已許下承諾騎A駒，牙齒當金使，可是A駒和B駒編在同場，唯有眼巴巴看着肥水流向別人田。也有機會是「被選擇」，大馬房分餅仔話事權不在騎師手，外間誤以為騎師有得揀。

　　像潘頓的情況較少，報名時潛在坐騎的數目，一匹起、兩匹止，所以，不是取捨問題，感覺上，「睇死」居多，與其明知輸，不如食少多覺瞓。不過，誠同文賢仔早前所言，有機會上陣，即代表有機會贏馬，如果自動放棄權利，變相助長敵方實力。

　　洪禮賢