國米莫路伊卡迪弗爆

猪拉多纳

巴塞美斯死火，「國米美斯」莫路伊卡迪醒神！呢位21新星將「情場殺手」本色，帶到球場，近兩仗轟入4球，帶挈「藍黑兵團」火力全開。莫路伊卡迪使出渾身解數，瘋狂入波，無非想博取阿根廷主帥沙貝拉歡心，希望同美斯拍住上，踢今屆世界盃，因此應會繼續嚟料。國際米蘭今仗作客帕爾馬，又係莫路伊卡迪表演時候，平手盤撐國米。

莫路伊卡迪出身於巴塞青年軍，踢法亦同美斯相似，一度備受睇好。不過，佢沉迷女色，最為熟悉係撬走同胞麥斯盧比斯老婆，其後場上表現亦大不如前。慶幸呢位射手近期終於修心養性，專心比賽，近兩場意甲獨取4球，果然有美斯影子，發威上來的確非同小可。加上另一位阿根廷前鋒柏拉斯奧亦屢有佳作，國米鋒線火力大增，上仗大炒森多利亞，充滿霸氣。美斯狀態低迷，莫路伊卡迪同柏拉斯奧正好趁機爭上位，希望爭取國家隊一席正選，必定搏命數胡。
作客夠贏帕爾馬

至於帕爾馬主場無疑好硬淨，包括盃賽近11場主場不敗，但勝出率偏低，當中對兩支弱隊卡利亞里及卡坦尼亞，都贏唔到。進攻主將卡斯辛奴有傷在身，上陣成疑，唔好太高估帕爾馬主場威力，平手盤國際米蘭可坐和望贏。

（TVB 302周六晚9時直播）