爭踢歐聯 阿仙奴強爆侯城

猪拉多纳

英超名牌阿仙奴陷入錦標荒多年，搞到民怨沸騰，但球會管理層始終都係力撐教頭雲格，唔係因為對佢有感情咁簡單，而係佢擅於搞靚盤數，令球會財政健康，呢點對一間職業球會嚟講非常重要，亦係雲帥生存同成功之道，一般球迷又點會明吖？

阿仙奴能夠長期保持財政穩健，其中一個重點係有歐聯打，強如曼聯都愁緊下季冇得打歐聯所帶來嘅惡果，「兵工廠」家陣掌握自己命運，當然唔想同「紅魔鬼」齊齊沉淪啦！阿仙奴今周作客侯城，兩隊預演今屆足總盃決賽，侯城現時並冇太大降班威脅，決心肯定唔及對手，呢場預期兵工廠可以波盤兼贏！

(now 622周日晚9時05分直播)
巴塞陷低潮捧畢爾包

同日西甲班霸巴塞隆拿主場對畢爾包，巴塞近期陷入低潮，情況確係非常罕見，但換個角度睇，每個王朝總會有終結嘅一日，依家佢哋個勢轉弱，聯賽爭標並唔樂觀。反觀畢爾包季尾為力保歐聯席位愈踢愈好，今次大幅受讓非常有利，下盤博得過！

(now 632周一凌晨3時直播)