隔晚位置票數矚目

猪拉多纳

　　今期復活節賽馬日，馬會安排六草四泥賽事畀大家投X。噚晚睇飛，發現好多場次都搵唔到重心馬，雖然排內檔馬飛數相對多，但普遍講都係亂到七彩，睇都係爆冷格局。

　　另外，周某噚日發現有兩匹馬P飛勁得誇張，隔晚曾經得一戙，佢分別係第七場「矚目」同第十場「御皇鷹」（見表），當中又以「矚目」比較特別，因為佢係落P唔落W，隔晚P雖然得1倍，但係個W竟然有21倍咁多，睇投X人係覺得佢三甲穩陣，但贏面就一般。話說呢匹「矚目」今次其實係在港首次上陣，來港前曾經澳洲跑過三場處女馬賽，獲得一冠兩殿，香港試兩課閘又跑第四，唔係話好標青，相信P飛咁勁，應同佢負109磅有關，要信。騎師王方面，梁家俊手馬唔曳，有70倍可博。